廣告
熱話

《東張西望》直擊: 阿叔叫雞後沉船 6年被騙200萬 (有片)

《東張西望》日前找來一位被大陸妓女騙財騙心嘅中年阿叔 – 黃生,訴說自己被騙經過。黃生話初初是從叫雞開始認識那名妓女,叫多幾次熟落後就開始傾偈、傾心事 … 黃生以為可以用錢換到真愛,幻想最後可以同妓女開花結果,可惜一切只係佢一廂情願。

一開始那妓女已經不斷問黃生借錢,從最初借一萬人民幣去整容,幾個星期後表明不還錢,當時黃生不介意,錢沒有了可以再賺:「嗰萬零蚊算啦,我自己攞得出就當幫你啦」原來該妓女很會哄人,6年來偷心有術,軟硬並施,搞到黃生愈踩愈深。

妓女講到自己身世好慘,阿媽不幸慘上乳癌,要黃生再借6萬人民幣給佢做孝女。妓女扮可憐,話自己迫不得已做雞都為咗賺錢醫阿媽,最後成功打動黃生畀錢。

搜尋 : 美白精華

後來妓女又話阿爸常常打電話畀佢,指鄉下有塊地要起屋,黃生出於好心又決定幫佢,一次過就畀咗18萬人民幣。之後妓女又話肝臟有個腫瘤要返大陸做微創手術,需要人民幣10多萬,黃生聽完當然係於心不忍,即時匯款畀佢。

黃生有叫過嗰個妓女轉行,始終會有年華老去嘅一日,不可能長期做雞,不如同佢結婚:「我同佢講叫佢唔好做,不如我哋結婚!」想咗一段長時間,妓女終於答應佢上岸,但又馬上追問黃生可以畀佢幾多禮金,黃生答應過數20萬畀佢。

禮金就收咗,妓女真係肯上岸,但都未結婚就再迫黃生幫佢借錢、籌錢去做小生意… 黃生連金錶都拿去典當,前前後後總共被騙咗200萬人民幣。直至最近,妓女又獅子開大口,話邊個可以畀佢300萬人民幣,佢就同嗰個人過世,黃生終於心碎,到嗰一刻先醒來。


《東張西望》:

廣告
Click to comment

發表回應

城中焦點

To Top
跳至工具列